Biografie
2002 - 2004
D' Örgelifäger si im Jahr 2002 gründet worde. Mir hei aui zäme i der Schwyzerörgelischueu vom Urs Bühlmann Örgelistunde gno. Das si dr Thomas Ramseier, Christoph Ramseier, Reto Rolli und dr Patrick Scheidegger gsi.

2004 - 2011
Zwöi Jahr speter heimer dr Stephan Scheidegger gfunge, wo bi üs het E-Bass gspiut. Är het denn E-Bassstunde bim André Schornoz gno.

2011 - 2014
I däre Zämesetzig simer när bis afangs Jahr 2011 gsi. Wäge bruefliche und sportliche Gründ, hei sich dr Patrick und dr Stephan entschide, bi üs Örgelifäger uftshöre.
Mir si när uf d Suechi nacheme nöie Bässeler. Dr Thomas, wo bi üs vorhär het Schwyzerörgeli gspiut, het sich entschlosse E-Bass ds lernä. Är geit i E-Bass - Unterricht bim Hardy Mischler.
Dr Remo Lüthi, wo o ider Schwyzerörgelischueu vom Urs Bühlmann het glernt örgele, isch ab Früehlig 2011 bi üs derbi gsi.

2014
3 Jahr si mir mitem Lüthi Remo ungerwägs gsi. Leider het är üs im Früehlig 2014 bekannt gä, dass är bi üs Örgelifäger wett ufhöre.
Mitem Nicola Jenni, hei mir wider es Mitglied gfunge wo zu üs Örgelifäger passt.

2014 - 2023
Vom 2014 bis im 2023 si mir zäme ungerwägs gsi. Us bruefliche und private Gründ het sich aber der Nicola im 2023 entschiede bi üs ufzhöre.

vlnr. Thomas Ramseier, Christoph Ramseier, Nicola Jenni, Reto Rolli


image-12471443-Foto_Örgelifäger-9bf31.w640.jpg
ab 2024
Ab 2024 si mir z'dritte ungerwägs.

vlnr. Reto Rolli, Thomas Ramseier, Christoph Ramseier




Auftritte

"Liebi Lüüt - Mir hei scho sehr vili Sache dörfe erläbe und es isch jedes witere Mau eifach wider e Erinnerig meh. Es macht eifach Spass de Lüt e Fröid ds mache mit üsere Musig.
Üs chame für all jeglechi Fest angaschiere. Ob e Geburtstag oder es Hochzyt, es Dorffescht oder e Ungerhautigsabe, mir si derbi u chöme gärn :)"


Musikstil
Mit üsem breite Repertoire, probiere mir e Musikgnuss für Jung und Alt ds biete. Das heisst, mir spile vom traditionelle Schnäupolka über Volkstümliche Schlager bis zur moderne Partymusig aues e chli. Auso, für Abwächslig isch bi üs gsorget.


© Copyright by Reto Rolli, Örgelifäger